كليك طاخ بوم دج//أأن أن أأأأن//بابا اللي حمل فيا 9شهور وولدني

من شوية كان شغال فيلم حليم بتاع عبدالحليم اللي عملو احمد زكي
كان على الـ mbc1 بحب احمد زكي موت فارس أحلامي على فكرة
المهم خلصت على علبة حلاوة المولد والفيلم لسه مخلصش
المهم برضو وانا بتفرج جت اعلانات كده
طبعاً انا طنشت لأني مابهتمش بس سمعت حاجة وقفت حتة الملبن الحبل ابو عين جمل في زوري
اه والله


ايه بئى الحاجة بس انا ماسمعتهاش كويس من الاول
لئيتلكم كده صورة بتاعة واحد زي ميكون حامل
راجل حامل اه وربنا كان راجل وعندو ذقن راجل كده زي اللي بنشوفهم فالشوارع دوول كمان
وبيقولو انو في ابحاث انو الرجاله تحمل بدل الستات
والله ده اللي سمعتو
قولت بيتهيألي فببص لماما لئيتها بتبصلي اوي وفاتحة بوئها وقاعدة زنهار ومزبهله عالآآآخر
يالهــــوي يانــا الرجـالـــه تحمل!!!
واحنا نروح فين؟!
نروح النار بئى ولا ايه؟!!!
يامصيبتي السوده الرجاله تحمل!!!
يعني مثلا لوقامت حرب الرجاله تقعد فالبيوت تلبس طـُرح وتدعي وكل ست تاخدلها حمارتها العرجه وسيفها الخشب ودورجد دوروجد عالجبهه

والله ياجماعة مابيتهيألي ده اللي جه بجد
انا اتصدمت
والله لو حصل ده انا اضرب نفسي بالنار

تخيلو كده الواحد يجي يقول بابا حبيبي اللي تعب فيا وحمل فيا وشالني فبطنو 9شهور
ولا ياسلام كده وهو بابا ماشي مبئلل عشان حامل
طب ماما هيكون دورها ايه
تنزل تشتغل هيا بئى ولا تروح الجيش
ويروح بئى هو للدكتور ويعمل متابعة حمل والدكتور يقولو لازم تاكل كويس وماتشلش حاجة تقيلة وتنام على ضهرك
ولا كمان لما الدكتور يجي لماما يقولها مبروك البيه حامل
ولا الجميل فالموضوع بئى لما نفسو تهفو على المانجه ولا الجوافة مثلا
يبئى بابا بيتوحم
ولما الطلق(علامات الوضع) يجيلو نسأل الدكتور ايه في امل
الدكتور بئى يقولنا انشاء الله هيقوم بالسلامة
او اضطرينا نضحي بالجنين عشان الأب يعيش

والله ياجماعة انا لابهزر ولابيتهيألي ولا الملبن جابلي زهايمر
ده اللي سمعتو

هو في ايه؟!!!!!
بينيو بئى صحيح على رأي ماما القيامة هتقوم




بس اللي عرفته انه مش طبيعي وعايش بجهاز انثوي اظرف حاجه فالحديث لما سألوة ورد انه حامل في بنت وهو حيكون ابوها وامها ومراته حتكون امها برضه ازاي معرفش هو الموضوع معقد طبياً مع علينا هو ميعاد الولاده 3 يوليو اه والله ده اللي اتقال وده الحديث

http://abcnews.go.com/GMA/story?id=4526582&page=1